ثلثت أسنين أتانيها
واتنطر تحاچيني واحاچيها
ثلثت أسنين بمأسيها
وأنــــا صابــر وأعديها
أعديها وأگولن هسه تذكرني
وأواسيها وتواسيني
وأگلها شوفي أنه أهواچ
وأعيش شلون أنه بلياچ
عفتيني دموعي تصب
وأنـــا وليلي ,,, أحاچيه وما يحاچيني
أنشده مايكلمني ..
واگله جروح هواها تلچمني
وضل مناشد بروحي
ليشن هي متحبني
أخاف فلوس ماعندي
أخاف هدوم ماعندي
يفلانه العشگ ماينشرى بفلوس
يفلانه العشگ ماينلبس بهدوم
يفلانه العشگ حب الروح
مو أكُثـــر أنـــا عندي
مو أكُثـــر أنـــا عندي
دحسبي شگد تشاوفنا
وبالساعات هم عدي
وكل ساعه التمر بيه
وانه الموت يحصدني
وكل لحظة ما اشوفنچ
چن روحي تضيع مفارگه جسدي
وچني بلا عگل مجنون
وراي يصدني ويردني
رسالة اللي اجت منـچ
علامه معلمة بچـبدي
رسالة اللي اجت منـچ
علامه معلمة بچـبدي
تگوليلي انا اختك
شلون أختي وتعذبني
وأرد بخيبتي مجروح
ورصاصة بگلبي تدميني
وما أنــدل طريجي وين
ودّم اللي طلّع مني
على دربي يدلّـيـني
وأرد بخيبتي مجروح
ورصاصة بگلبي تدميني
وما أنــدل طريجي وين
ودّم اللي طلّع مني
على دربي يدلّـيـني
,وأرد ردود وأقراها
وخطوطچ فلا أنساها
وأنسى الناس .. وانسى الروح
لما يلوح ممشاها
گظيت العمر اتنطر
ونطاري ماغـزر وياها
وگضيت العمر بالحسرات
وحسرتي بلگت انساها
وطب العمر بالسبعين
وبعدني أحــلم وياها
1972 تموز
كانت القصيدة 3 صفحات نسيت مع مر السنين
ليست هناك تعليقات:
إرسال تعليق