ملامسة روح: صور

الأربعاء، 20 مارس 2019

أمثال أبوذيات بصور

( عسى نارهم تأكل حطبهم)

الدهر من عگب رفعتهم حطبهم واسهام الهضم والذل حطبهم عساهم نارهم تاكل حطبهم جفوني ومارعوا حگ الخوية

(شهر المالك بيه خبزة لاتعده)

سرك بالگـلب ياصاح خله لون يظهر تصير عليك خله شهر المـالك بيه خبزه خله عوف أيامه لتعدهن عليه
غاب القط العب يافأر

اشغيره للفلك بالعكس يافار وشيبرد صليل حشاي لوفار غاب القط بعد لاتهتم يافار العب وامرح بگاع الخليه
أكل مايعجبك والبس مايعجب الناس

أعرفنك مثال العزم والبس ليهمـك الگـال عليـك ولبس أكل مايعجبك ياصاح والبس مايــعجب الناس بكل نويّه
( لو همي يحمله بعير چا طاح)

ياهو المثلي شال هــموم يهوى لون همي اعله ظهر العيس يهوى الــعين تـــشوف والـــدلال يـهوى وانه گلبي گبل عيني ايتهيّه
(يامن تعب يامن شگه ويامن على الحاضر لگه )

الگلب بيمن بعد يضمد ويا من وراح اگضي العمر عگبك ويامن ويامن يتعب ويشكى ويامن ع الحاضرلگه وخذها ما اديَه
(مو كلمن صخم وجهه صارحداد)

الك سيف بضمير حشاي حداد ودعيت المحل طول العمر حداد مو كلمن تصخم صار حداد المحبة اتريد طيب وحسن نيه
(لو أكلت وي عميان أكل بنصاف)

اعلنت وياي حرب الهجر بنصاف واتجسًّم دليلي عليك بنصاف المثل گال اوية الاعمى الأكل بنصاف نتجاسم الك هاي وهاي اليه
(انطي بيدك وأركض برجلك)

ترف ياهلال اخذ روحي برجلاك اطلبـك ديـن والنـظر برجلاك انطي بايدك واركض برجلاك مَثَل هذا وصُبح ليّ سجيّه
كل شط ولازم گباله جرف

دليلي بجـمر نــار الامــل شاطي حرت شاخذ من الاحباب شاطي عرفنه كل جرف وگباله شاطي واني جرفي نشف ياناس مًيّه
المارضه بجزه رضه بجزه وخروف

غير اعضاي يامدلول مرضيت وابهـجرك نـحيـل الـجسم مـرضـيت خذت مني جِزه وبهاي مرضيت صفن جزّه وخروف شلون بيه
تساوت الگرعه وام شعر

يروحي ومهجتي شتردن تساون وليالي النايبه عليچن تساون ام الشعر والگرعه تساون وانباع الفحم والدُّر سويه

الخميس، 28 فبراير 2019

صور لكاركتير منوع قديم والبحث عن الاخطاء العشرة التي كانت سائدة أيام لم يكن هنالك نت ولاشيء أخر غير جريدة او مجلة او كتاب ,عكس مانعيشه اليوم والذي اصبح كل شيء تحت يدك وبمجرد ان تفتح زجاجة العفريت اقصد ( شاشة الكمبيوتر) والحلو بدون دخان او بخار ههه.. يظهر العفريت والجني كوكل ليقول لك شبيك لبيك عبدك كوكل بين ايديك وفعلا يجيبلك الدنيا من اولها لاخرها من ماضيها لمستقبلها مايخلي زاغور الا ويجيبلك اخباره وكم حيّة بداخله وانت بمكانك (يكولون تطور !!) اذا لابئس من ان نعطي لهذا العفريت درسا ونعرض له صورا لم يشاهدها هو من قبل وانتظرو الجديد اترككم بخير

مع عزوز وخضير وعبد الحسن وصور من زمان