ابوذيات للشاعر عبيد سعيد حسين الظالمي
مجموعة من الابوذيات الرائعة النظم الجميلة المعنى وهي التي تم ذكرُها في كتاب الدارمي والابوذية العراقيه لمؤلفه
الشاعر محمد رحيمة والصادر عن دار المغرب للطباعه عام 2005 والتي نظمها الشاعر عبيد سعيد الظالمي :-لنقرأ
ريت الموت الي ابها الحال يدنه
نموت اولا نمد للغير يـــــــــدنه
لاسيد واگـول ابجاه يــــــــــــدنه
شگـل للناس لو مديت اديه
وهذا البيت رد عليه الشاعرالمرحوم عريان السيد خلف قائلا
الوكت زل وعلي الطيبين يداك
وشمنهه لو تمد للناس يــــــداك
لاسيد وتگـله اهناك يــــــــداك
ويلومك ليش مو نفسك ابيه
اريد الطم واسوي اللطم بـــلوان
عليه ويصب دمع العين باـــوان
آنه اللي عليه اطبكن بلـــــــوان
شيبي والهوى محرب عليه
يروحي بسچ من اللوم عـــــــني
وطارش لليودچ دوم عــــــــني
اشلون انشد على المانشد عــني
اونن عاليون دايم عليه
من مثلي الچـــثير اهموم عـــــــالاي
ومن مثلي انهزم والطرد عـــــــالاي
ركبت الجمل عود احتسب عــــالاي
الچـلب عضني ونيابه اثرن بيه
لگـط مافاد بيه الغسل والشـــــــــــار
حسافة ماتبعت العذل وشـــــــــــــار
ابيوم اطلگ يمينه اوضحك وشــار
هيام البيت واجب صار اليه
علي طگ الزمان ارداف والحاگ
اشلون اتبع وره اليمشون ولحاگ
زمان الضاع بيه الصدك والحــگ
مصادف راح بيه الشوف اليه
شوحشك ياكلام النذل مــــــــرداك
وبحري مايگــــيشه طرف مرداك
حلاتك ضيف من تنضاف مـرداك
وتعد نفسك من ارجال البهيه
