الشاعر جاسم محمد الحجامي
مجموعة من ابوذياته
ياهو المبتــلي ياخــــلگ بــــلـــواي
اصفگت بيدي واحشم الغرب بلواي
گــــلي شلون اطفي الواي بلـــــواي
اطفي هاي ذيچ سعرت بيه
اسمعي النظم ياروحي لـــچمله
الناهي جرح البگلبي لـــــــچمله
جبابر بالخضوع اهوت لـچمله
سجود بلا شعور اعله وطيه
عفاني كيف اللي مهجة والي روح
اداري بالعلــــل كـــلها ولـــي روح
مانــي بــحال من يبــگه ولــي روح
ابحالك يلگطعت الوصل بيه
كل مغرم برت علته وانا ســـــــال
اجفوف اهل الهوى شفت وانا سال
عني ماسلت يشگر وانا ســـــــــال
عليك انت وتعاتبني ابرديه
يدنيا عين ابو كلمن يمن بيـــــچ
چفين العسم صارن يمن بيـــــچ
چفين العسم صارن يمن بيـــــچ
اشچم ادگم على الخير يمن بيـچ
الربيع يسوي الهزله جويه
زماني اشلون بلشني بلا شاة
اتعب والتعب ضايع بلا شاة
مثل السرح عد خاله بـلاشاة
يگله اغنيك لن ايده خليه
بحبل اهواك چـــاتفني وانا مـــيت
گـــرت عين كل شامت ونا مــيت
ترانى الناس حي امشي وانا ميت
لچن ثوب الصبر ساتر عليه
تهت محد من حبابي علي شـــــــار
ينجيني الذي شمسه علي شـــــــــار
حجيت المصلحة طلعت علي شـــار
رجيت الغانمه صارت رديه
ليست هناك تعليقات:
إرسال تعليق