عليك بگلبي يالكاظم ليهيبين

ذكرى أستشهاد الامام موسى بن جعفر (الكاظم ) عليه السلام

الصبر عن ضامري امصابك لـــه يــبـيــن

وكل لـــحظه ســـهم جـــارح لـــه يـــبـيــن

عليــــك بـــگلبـــي يـــالـــكاظم لــهيــبـــيــن

اخمد هذا يلهب ذاك بيه

بأســم باب الحوائج حــــين سمـــوك

وسام الشرف اهل الشرف سمــــوك

وسـفه گـوم الغدر بالسجن سمــــــوك

وبگـه فوك الجسر نعشك رميه

يمن روضة ضريحك مرعى لــــينه

الشــهد صار بــفراگك مـــر عــلينه

لـــون بــــالطيف  مـــرة  مـر علينه

ونگول ابطيف شفنه الكاظميه

شعنــدك مـن خبر للناس وضـــــحه

عــن البـــاع النفس للدين وضــــحه

گضه نحبه بســجن هارون واضحه

على ذاك الجسر نعشه رميه

أريـد أكــشفلـك المــــخـفي وراوي

واصــيــرن للعشك نــاطق وراوي

هــرش گـــلبي نــمه بــحبك ورواي

وغرامك ياأمامي يحيط بيه

الدمــع ظل يجري ماينشف مصابه
وسوى سهم الهضم كلبي مـــصابه
فجعني الكاظم من أذكـــر مصابــه
تشب نيران مو بس نار بيه

الابيات للشاعر جابر الكاظمي