الـشاعر ملا جادر ملا حطاب السوز
الابيات والابوذيات التي تقراها هنا هي للشاعر ملا جادر ملاحطاب السوز وحسب ماجاء في كتاب اجمل ماقيل في
الدارمي والابوذية الصادرعام 2005 الجزء الاول
الدارمي والابوذية الصادرعام 2005 الجزء الاول
دنيف متيمك مايوم بــــــسام
مغذيني يساهي العين بــسام
من وجدك غديت انلظم بسام
وبدا سم الخياط ايضيچ بيه
يلوم المادره بروحي شـــــــــمرها
وميدري الدهر عن ودهه شــمرها
ليالي فراگم يشگر شــــــــــمرها
امر من المنازع بالمنيه
الصبا گــوطر ولا ينفع ندامــاي
تظن ايلين الجاسي ندامـامــــــي
يشامت سكنوا الغبرة ندامــــــاي
شبگه عندي وبعد تنشد عليه
كل يوم ابسهم روحي خل الها
حتى انكشف للشامت خــلـــلهه
امس الجان ينادمها خل الــــها
اليوم اتنادم الخنسه الشچـيه
انه شچــم دوم اباريلك ولا حـظ
انته الابخت عنــــدك ولا حـــظ
لابن زنه دگ دگتك ولا حــــظ
تنم وتخرب احبابي عليه
المصايب بس على روحي تلافت
يگــــلبي عله النكر طيبك تــلافت
اون وعظامي بهجرك تــلافـــــت
طريح وساد دوب النفس بيه
على وجنات ساهي العين شامات
مشه ولا اتزودت من فيه شـامات
شگول انــه اذا لاگـيت شـــــامات
انسبيت ابود حبيبي وخان بيه
علي عزت السلوى من يســـــلني
صديت بغمد هجرك من يســـلني
شكل عنك الشامت من يســـــلني
اكابر والدمع يغلب عليه
بودادك منسلب عگلي وهيبـــــه
ينم الگلب يتوجل وهيبــــــــــــه
اله بالجمال انته وهيبــــــــــــــه
اهابك واشتكي هجرك عليه
انطر گلبي ابكثر النوح وشـــراك
تخيل لي جبينه البدر وشــــــــراك
خفت ارشف شفه المحبوب وشراك
حرت شصنع ونا روحي شهيه
ابسواد احشاي الك منزل والك دار
كربگ يجــــلي اهمومي ولــك دار
ندار اهواك بعضامـــي ولــــك دار
نشب بگصاي والحگني المنيه
ليست هناك تعليقات:
إرسال تعليق