|
|
ابوذيات للشاعر محمد جاسم المهنا
الابيات للشاعر اعلاه حسب ماموثق في كتاب اجمل ماقيل في الدارمي والابوذيه للشاعر محمد رحيمه الطائي اصدار عام 2005 دار المغرب للطباعه
هله يلي مدام الگلب بـــــس لاك
يون والعاذل اعله جفاك بس لاك
انا والله شمسلي الروح بس لاك
يهب ريح الصبا ويعم عليه
لون تنفيني يامدلول من فــــــــــاك
ربط حبل المودة احشاي من فــــاك
ابي رشفه يساهي العين من فـــاك
تفوق عله الرحيق العذب ميه
هذا الي لعند اعضاي هــد هــد
ملهي وابد ماينصـــاد هــدهـــد
اگله اگرب يگلي ليك هدهد
ارفع مشتهاك اشتظن بيه
يصاحب لو تشوف شلون كتماي
على عيوني ويسح الدمع كتماي
اشمگل للروح سر الهوة كتماي
تحن وتهيج الساكن عليه
ايتوسل بحر صبري يتشافه
وبعد يكفيك حالي يـــــتشافه
يكتلني ويجيني يــــــــتشافه
دشوف اشلون ابو عيون الكويه
هذا البيه كنتم لايـــــــــميني
وعذر مافاد بيكم لايـــــميني
لو تكتف يساري وي يميني
هذاك انه الهوى غالب عليه
اليوم براس دلالي شـــــــكتلي
حربه ومن دمع عيني شكتلي
مهضومة وديعتكم شـــكتلي
ابيت الجد مشوفن وجه ليه
|
|
|
|
|
|
|
|
ليست هناك تعليقات:
إرسال تعليق