ابوذيات الشاعر عباس الحاج اسماعيل
الشاعر من مواليد محافظة الناصرية سوق الشيوخ وقد جاء ذكر اسمه في كتاب
الدارمي والابوذية ولم يتطرق المؤلف الشاعرمحمد الطائي الى الحياة او السيرة الذاتيه
للشاعر عباس الحاج اسماعيل بل تم ادراج ستة من الابوذيات التي
انشدها . ومن خلال قرائتي لها وجدت روعة النظم وجمال المعنى ورقة ودقة
الاحساس الجميل والوصف الرائع ساضع هنا الابيات التي حصلت عليها.
للقاريء الكريم والتي يذكر في احدها زوجته موزه وهو يتغزل بها علما بانه كان يمارس
مهنة الخياطة في قضاء سوق الشيوخ في الناصريه
طبيبي ماتجس نبضي شمالي
غدت يمناي ماتوصل شمالي
آنه الچـنت العذيبي شمالي
صرت شرجي وعلى الوادم اذيه
دمه دمع البيابي سال وانهات
عليك اگـضي العمر حسرات وانهات
هواك آنه اعذلتني الناس وانهات
ماخذني الهوى غصبن عليه
اخدوده من ذهب عسجد وفضه
بسيف اللحظ طر گـلبي وفضه
نحولي من هوه شاهه و فضه
من أسلي ذيچ هاي اتعم عليه
بعض نوحي الخنسه مالعت بي
عسى بيت العريضي مالعت بي
أنا ويه صحيبي مالعت بي
عتابي وي زماني الخان بيه
عساني فوگ صحن الصدر بصام
أطوفن والزم النهدين والصام
يموزه غيرچ رمضان والصوم
زرية انتي ولا لچ قابليه
روحي على الغضى صبرت تراهاي
وهيــة لـــو هوى بــغيري تــراهاي
يــصاحب ســـاعة النــخوة تراهاي
نفع للبي نفع ينفع خويه
ليست هناك تعليقات:
إرسال تعليق