القصيدة الحقيقية الكاملة لاغنية گـلبك صخر جلمود
هنا أضع لك الكلمات الكاملة للقصيدة التي أشتهرت
كأغنية للمرحومة سليمة مراد ويمكنك ان تلاحظ التغير
الذي حصل على الكلمات بعد تلحين الاغنية بالاضافة
الى ترك الكثير من الابيات من القصيدة وايضا انشر لك
المصدر وهو من عام 1964 كتاب الابوذية العراقية وعنوان القصيدة وهي من الشعر الشعبي كان
گـلب صخر جلمود
گـلبك صخر جلمود ماحن عليه
وانت بطرب وبكيف والبيه بيه
مدري بعد ياروح شنهو اليسليـچ
من بعد عين هواي كلها اشتفت بيـچ
تانيني أودع هواي ياسايج الريل
من كثر نوحي عليه ماظل بعد حيل
يلواشي بسك عاد نشفت ريجي
اشظلك بعد وياي وترجى طريجي
أبهيده يبعد چـلاي ريض دحاچـيك
خاف الغرام يطول ومابعد الاجيك
مني يواشي اليوم حصلت حيفك
واللي تريده صار بيه عله كيفك
عونه الينام الليل ويغمض جفنه
مو مثلي بالحسبات گاعد ويتنه
لتلومني يهواي لو صحت أنا لداد
لو وازنوا همي زاد عله بغداد
موش حلفت وياي من حلفتني
ماخفت ربك ليش رحت وعفتني
لو چـان گـلبي وياي عنك لنشده
لاچـن خذيته اوياك ليه ماترده
حاير بعد فرگـاك بيش الهي نفسي
ابنوح وگـدرواحزان أصبح وأمسي
ليست هناك تعليقات:
إرسال تعليق