هذه المجموعة من الابوذيات هي لشاعر الابوذية جابر الكاظمي
ومن ديوانه والشاعر مختص بالكتابة عن اهل البيت والعترة الطاهرة
رثاء ومدحا والديوان طبعت عام 2006.. وهذه بعض الابيات منه
أجد واعله الجراير جان يدي
وبگــه جرح الندم بحشاي يدي
ابكثر ماجنت من اوزار يدي
أخجل بالقنوت أرفع أيديه
أعله كل كوكب اشوفك نور ورضاك
وابوجهك سماءك تشع ورضاك
ارزقني قبول العمل ورضاك
وحسن العاقبة منك اليه
يعت بيه الهوى العذري وعتبه
أريد اوصل لعد شخصك وعتبه
وأگـلك يالصبت شيبة وعتبه
دخيلك لاتشمت الدهر بيه
أسكتت ما اعتب أعله الدهر مالم
وعليك الگـلب من كل صوب مالم
يخوي ما اضوك الماي مالم
أذكرك والجدح يهوه من أيديه
الخطايه هدمن عزمي وذنباي
ونذير الموت ناداني وذنباي
عظيمة ادري سياتي وذنباي
والاعظم منه غفرانك اليه
ليست هناك تعليقات:
إرسال تعليق