بشر احنه وصبح شايع مثلنه
حرام المثله والعاذل مثلنه
الارض چـانت گبل وادم مثلنه
أبهيده لو مشيت أعله لوطيه
كلف جرحك صعوبة يطيب ويصيح
الفرح والحزن مايجتمع ويصيح
صرت مثل اليحب الخمر ويصيح
الهي أغفر ذنوب العليه
مايخمد لهيب العشگ لو هاي
لتلوم المحب بالبيد لو هاي
أختار من العمر لوهاي لو هاي
الفرح والهم مينجمعن سويه
عيوني ماغـفت لـحظة بـل لتراب
على اللي عبثوا بروحي بل لتراب
صـرت مثل الطفـل يلـعب بالتراب
ميعلم هذي اجساد البريه
مشت رجلي اعله والدها وجدها
واعله الموت منواها وجدها
أشعجب بارينه للدنيه وجدها
ونتيجتها غبار تصير هيه
گالو عنك الـلّـذّات بعدين
الك بالجنة خمر وحور بعدين
گلت عالوادم المعبود بعدين
النقدي احسن من الدين اليه
أهتديت الدرب وأنه الفزت بهداي
شفت خزاف يعجن طين بهداي
صاح الطين عالخزاف بهداي
جنت مثلك بشر لاتعت بيه
كل منكب عليه شهود وعيون
تنام انته وهم عالچتف وعيون
الك حاجب وخد وثغر وعيون
تالي تصير ذرات الوطيه
گالو عنك الـلّـذّات بعدين
الك بالجنة خمر وحور بعدين
گلت عالوادم المعبود بعدين
النقدي احسن من الدين اليه
أهتديت الدرب وأنه الفزت بهداي
شفت خزاف يعجن طين بهداي
صاح الطين عالخزاف بهداي
جنت مثلك بشر لاتعت بيه
كل منكب عليه شهود وعيون
تنام انته وهم عالچتف وعيون
الك حاجب وخد وثغر وعيون
تالي تصير ذرات الوطيه
ليست هناك تعليقات:
إرسال تعليق