سيولك ياجفن هلن وشلهن
حتى جروحي اندلهن وشلهن
الليالي اشدهن ويانه وشلهن
تفرگـنه وي طيبين السجيه
اخبرك مهجتي هامت وشطيت
عليك وتلتهب روحي وشطيت
مدري شاخذت منك وشطيت
ضاع حسابي وحسابك عليه
سيف مگـطعه ابنودي ونجداي
ابهوى المامثله بالكوفة ونجداي
شمس ويدور من حولي ونجداي
اشيجيب الجدي من الشمس الزجيه
انه السيف افج الحرب ومضاي
كسرني الدهر وسفه وخمد ومضاي
زمان الخير عني راح ومضاي
وزمان الشؤم هالمجبل عليه
أود احجي حبيبي وياك جلميت
هنادي الرمش للدلال جلميت
عدل لاجني من فرگاك كالميت
واتگلب على فراش المنيه
وحگ مكه ومنها الحجر والبيت
دليلي مادعاك ابيوم والبيت
بيدك خذت هرش الگلب والبيت
اگطعتهن والنواهي گـطعت بيه
ليست هناك تعليقات:
إرسال تعليق