الشاعر الحاج سعود عبد العزيز النفيس
رغم البحث المتكرر عن السيرة الذاتيه للشاعر في كوكل.لم
أجد اي ذكر لسيرته الذاتيه او اي معلومات تتحدث عنه . الا بعض من ابيات
الابوذية المتناثرة في الفيس بوك او المنتديات. والتي لم تنسب اليه ولدي كتاب صدرعام 2005 كطبعة اولى. ذكر فيها اسم الشاعر الحاج سعود. مع ثمانية من الابوذيات المنسوبة له حسب ماكتبه الشاعر المؤلف للكتاب محمد رحيمة .وساقوم بنشر ماقدمه الشعراء المذكورين تباعا ان شاء الله
اليكم ابيات الابوذية المنشورة باسم الشاعر الحاج سعود عبد العزيز النفيس
نزف وجناتك اثـنـعـش يــاضن
عليه وكل جميع اعضاي ياضن
بــرده متـــهوم انه وياك ياظن
الرِدّه ثـوبّه الــيتهمك بالـرديـّـه
يناهي كون شمامه ولجفاك
بيدي وبهذا الساني ولجفاك
بجميع العلل عذبني ولجفاك
العلل تبره وجفاك يعن عليه
حبيبي من سلب عيني كراهه
الدمع نهران بخدودي كراهة
ليش محبتك صارت كراهه
اشبده مني وتشّمت اعداي بيه
طحت والشــامت بعـيـنه يراني
بكثر مانـوح من مـلوني يـراني
يخوتي السبع من جسمي يراني
اگبال اهلي وعمامي اتشوف هيه
اغذادي الحزن وهمومي وسادي
مـاتدري اشــجره علـيه وســادي
بگت افـتل حـبل وصلك وسـادي
تمت وانكطع ابتوت البديه
تبر خـدك يساهي العيــن ينساك
او گـلب الواددك هم تظن ينساك
ابد مــاشوف بالمـخلوگ ينســاك
ابجيد وجعد وعيون وخشيه
اســلم للحبيب بلــطف يوماي
بسبب ابعد بعد ماجان يوماي
عسر يومن دنه يحباب يوماي
اموتن مغرم بحضن الغويه
وسفه الــدهر شتـتكم وطركم
حسافة ماكضه منهم وطركم
بذچركم هذا ان اهذي وطركم
يعيدالله شتتكم جمع ليه
| 
ليست هناك تعليقات:
إرسال تعليق