الشاعرالملا مسعد الناشيء
لا امتلك الكثير من المعلومات عن الشاعر الملا مسعد الناشيء . ولكنه من مجموعة شعراء الذي عاشوا في الناصرية - سوق الشيوخ وعاصر الشعراء حبيب الحسيني والشاعر ابو معيشي والشاعر سيد محسن السيد نعمة الجابري وغيرهم من الشعراء وهنا مجموعة من ابياته التي نشرت في كتاب الدارمي والابوذيه الصادر 2005للميلاد ومن تاليف الشاعر محمد رحيمة الطائي
حرت ماشوف مشكلتي حللها
ولاساعة الوكت روحي حللها
الدنية من تضد واحد حللها
تنكبه وماتريحه جيد نيه
ابجميع العامة انبثت علاماي
جفوني وعلگ الشامت علاماي
جميع الناس مبچـاهة علاماي
وانه يظفر عبيط الدمع بيه
چـانون الغضب گلبي شواليش
على اللي للغوه كصن شواليش
گـتله منين گــال اهلي شواليش
گـتله وياك گــال تعم عليه
يروحي لليودچ حيل وديه
اله حني وچـثير الشوگ وديه
علي واجب لزوم اگضيه وديه
الك يلي كثر فضلك عليه
مر ولفي اليهبني ومرة هبته
ومره اوصلت يمه ومره هبته
طحت مگـدر يصاحب من رهبته
اسد يخسئه الاسد ملگـاه اليه
حبيبي من صغر سنه ولعباي
مثمنه اثياب لبستك ولعباي
عجب تنسه لزم چـفي ولعباي
ونسيت تمرضعك مابين ايديه
جيب القلم والقرطاس ودواي
واكتب للوجنته اشفاي ودواي
انه كل حين اشب يسعود ودواي
من هضم المصاب الصار بيه
حين فقد الشاعر ابومعيشي ولدا له
أرسل أبيات الى الشاعر ملا مسعد الناشيء
شاكيا حالته جاء فيها
أبد ليلي جروح عيب اتطيب وشاف
ولا ينكص دمعهه العين وشاف
يخــــي مسعــد تجــي للــدار وشاف
أظلمت ذيج الكبل جانت زهـيـة
فرد عليه الشاعر ملا مسعد الناشئ قائلا
اعذرني والوكت عنك لهاني
بعزاك الزاد لي ابداً لهاني
تفر من البدن روحي لهاني
بسبب ماشالت التابوت هيه
ليست هناك تعليقات:
إرسال تعليق