ابوذيات قديمة جدا جديده

ابوذيات قديمة جدا جديده

أجروحي منين أجيبلهن دولهن

أون  ونات  كل ساعة   دولهن

يلايم  عني  لوماتك   دولهن

كضه أمري بعد شتلوم بيه

هنا يالسايك المظهور ون ون
يخايب جاك سيل الدمع ون ون

على حالي حمام الدوح ون ون

وتعلم من بعض نوحي سجيه

على هام العده شامخ نزلنا
صارت للنذل واحنا نزلنا 

يمن لينا يمن بدوحة نزلنا

حنين المرضعات يحن عليه

وديعة لعد غيرك لاتدعني
وعد اللي يغثني لاتدعني

اموتا بأشتياقك لا  تدعني

عبد عبدك أخذني ومن عليه

يشنهو اللي على المخلوك داره
ويشنهو المايعيش بغير داره

ويشنهو العاف بزره وعاف داره

ويشنهو الماينام الا بتجيه

المصايب علي طول الدهر مره
ونوحي على الخنسه يزيد مره

على قبر الحبيب اقصدت مره

أسلم ليش مايردلي التحيه

قسم بالحاج مكة وطاف وسعه
جروحي من أبو عيون سود وسعه

انهجم بيته لعذولي شعمل وسعه

أبهجره وهدم جرف الصبر بيه

حبيبي اللي ينظر بساع جنه
شبه حوري تزل من وسط جنه

يصبح الليل لولا الليل جنه

خدوده والكمر يضون سويه

وسيكون هنالك أكمال لهذا الموضوع والابوذيات 

تحياتي