ابوذيات من غزل العشاق بعد منتصف الليل
بين يدي ديوان للشعر الشعبي عنوانه غزل العشاق بعد منتصف الليل
المؤلف محمد رحيمة الطائي وتاريخ الطبع 2004 دار المغرب للطباعة
جاء في بعض من مقدمته التي كتبها الشاعر والكاتب حسن الخزاعي
بين الهشاشة والبشاشة حرف واحد استطاع صاحبي الانيق ان يطوع
بذكائه الباهر المتفرد ويجعل من هذه الحرف بداية حرفة جديدة
واطلالة مشرقة للمستمع والقاريء من خلال دراما انيسة وانيقة
ورقيقة لم نألفها سابقا ...بين يعني العربية العراقية المذهلة والساحرة
والتي يستنجد بها الشعراء والوزراء والفقراء ومقدمو البرامج والضيوف
لكي يعبروا عن موضوع ما او قضية او فكرة يريدون تقوية صورتها
وتزيينها وسد فراغ المعاني .. هكذا امسك الشاعر محمد رحيمة المفردة
الضائعة ووضعها في مكانها المناسب فجاءت تراتيله كالمتوالية
العددية ... فبين ( موعد حب ) و (قيل وقال ) و( طفت الشموع ) و
غازلني و ( أهلي مايردون أحبك ) و(ذكريات عاشق ) و (رادوني أعوفج) الى
العين شافت ... وغيرها من القصائد تجد تللك الحميمية والألفة ... وشد
الاعصاب حد الاحتراق ... تسعة عشر حديقة يجبرك عبيرها أن تستمع اليه
وما اجمل الانسان ان يرى نفسه ويحس انفاسه وبنبضات قلبه المتلاحقة
الخفاقة ... ما أجمل أن ترى للوعود ردود
غزل العشاق منتصف الليل ... هذه المجموعة الشعرية والتي لبن ايادكم
طرز صفحاتها بكلمات مذهبة بالاحساس ومفعمه بمشاعر الحب
هو:
عليّ ثوب الونـين اشكثـر .... حالي
شباب وهل شبت مـن دون .. حالي
انشدچ على احوالچ مثـل .... حالي
طايح والهموم اتشيل بيـه
هي:
هموم هواك ما خلن .. ..علي حال
فريضة وحبك من الله .. علي حال
يالتنشد على حالي .. ...علي حال
شيفيد النشد على صار بيه
هو:
الج بس انتي گلبي .. ورجيته
ودمع العين يمـچ .... ورجيته
ابتعد كلمن نخيته .. والرجيته
ولا واحد اجاني وحـن عليه
هي:
رعيتك ليش گلبــك .. ما رعــاني
ويهمك فت دليلـي .. وما رعــاني
مره احبس بدمعي .. ومره اعاني
ومره اتطيح روحي ابين اديه
هي:
هجرك ياولف صايـــر .. بلا حــد
مثل سيف اليگص رگبه .. بلا حد
رحت وآنه انتظر ترجـع .. بالاحد
اجه الاحـد ويمتـه اتعود اليه
هو:
احد سچين صبري وچــن .. ولاحد
التفت وما شفـت ربعي .. ولا حـــد
شچم سبت اليمر بيــه .. والاحـــــد
اجي بس شوفتچ تصعب عليـه
هي:
لتهم بالعمر خلصـــان .. وحــــــــــــــــده
وأنا ضعني سرى بالهــــوى .. وحــــــده
حلت چـنها بعيونـك غير .. وحـــــــــــــده
وگمت لاتسأل ولاتمـر بيـه
هو:
غيرچ ماحلى ابعينـــــي .. ولاطاــــــب
ولا دونچ دخل گلبي .....ولا طـــــاب
يجرحي وياچ ماهَّــــــــــــوّد .. ولاطاب
دم ينزف ولا تدريــن بيـه
هي:
محبتك تجري وي روحي .. ويدماي
وعليك انشلت اعظامي ... ويدمـــــاي
انچويت أبأيد أنا ناري ...ويدمــــــاي
ولكن مـن يطابگهـن سويـه
هو:
عليچ الروح راحــــت .. مـــــن يردهه
أوكيحه اهمومي صـارت .. من يردهه
خطيه الروح ملـــــت .. مــــــن يردهه
لأن بس الصبر لبس العليـه
ليست هناك تعليقات:
إرسال تعليق